Patrol

Nissan Patrol-ի համբավի հիմքը դրվել է  1951թ., երբ այն տիրում էր ճանապարհներին որպես ամենահուսալի, դիմացկուն և բազմակողմանի 4X4 մեքենաներից մեկը: Այն շարունակում է այսօր էլ ճանաչված մնալ որպես անանցանելի ճանապարհների Արքա: Nissan Patrol-ը զարգանալով դարձել է աշխարհի ամենաամուր արտաճանապարհային ավտոմեքենաներից մեկը, որը կարող է քաղաքային փողոցներով, անապատային ճանապարհներով և ավազաբլուրներով տեղափոխել 8 ուղևորի միաժամանակ:

Nissan Patrol-ը յուրաքանչյուր ուղևորությունը վերածում է հաճելի ճամփորդության: All-Mode 4X4 համակարգն օգտագործում է էլեկտրոնային լուծումներ, որպեսզի անկախ ընթացքային պայմանների բարդությունից Nissan Patrol-ը կարողանա կցորդում ապահովել ճանապարհի հետ՝ ուժը անիվների ու առանցքների միջև տեղափոխելու միջոցով: 4X4 փոփոխական ռեժիմը թույլ է տալիս Ձեզ առանց հատուկ ջանքերի փոխել վարման չորս ռեժիմները՝ անանցանելի ճանապարհներին գերազանց ընթացքային կարողություն ունենալու համար:

Patrol-ն իր մեջ ներառում է Nissan-ի աշխարհահռչակ Safety Shield («Անվտանգության վահան»)  կոնցեպտը, որի համաձայն «ավտոմեքենաներն օգնում են պաշտպանել մարդկանց»: Արգելակման վերափոխված համակարգը ժամանակակից անվտանգության տեխնոլոգիաների հետ միասին այն դարձնում են իր դասի մեջ երբևէ ամենաանվտանգ ամենագնացը՝ իր ուղևորներին խոստանալով զգալիորեն ապահով ընթացքային միջավայր: